難得今日冇野做，緊係要帶佢去食下好嘢喇，之前聽朋友推介過”S2 Kitchen “d海膽料理好正，所以就決定去試一試
店舖位於街口嘅橫街內，門外掛左幾個大燈籠，都算易搵
店鋪雖然唔算好大，但都唔會坐得好迫
鋪頭嘅主打係以海膽為主
啱晒偽。公主依個海膽控我地本來一早諗左叫兩樣推介，再試下其他野，點知望住d相揀下揀下就......
“特級S2海膽杯”呢個海膽杯就係我地嚟嘅目的之一
賣相真係非常吸精
個海膽杯由白飯魚脆片、黑魚子、海膽、海葡萄、藍旗吞拿拖羅蓉、三文魚子、白蝦、松葉蟹肉同鮮海帶由上而下咁堆砌而成
而且由於用料新鮮，根本唔需落任何嘅醬油都已經食得出食材本身嘅鮮味，真係層層都有驚喜
“楊枝甘露沙律”依個沙律真係走漏眼
完全冇諗過甜品做沙律竟然可以咁好食用嘅蘋果好爽甜，加上西米嘅口感同椰汁嘅香真係好夾成碟差唔多俾我掃晒
”芝士年糕”老實講睇樣真係同平時食開嘅冇分別，但係一咬落口就發個原全唔同，因為佢嘅流心芝士醬係爆出嚟咁誇張
真係比佢辣左下
食時要小心爆芝
“雪海板上飄”係我朋友推介必食，用上乾冰襯出嚟非常有型，蒟蒻麵撈埋秋葵汁食落非常爽滑，配上上面嘅松露海膽嚟食，更加特出到松露海膽嘅濃厚香味
“S2特色火焰卷”上枱時侍應會幫先點着火，等壽司上面嘅沙律醬同醬汁慢慢咁溶，入口暖笠笠，唔錯
“清酒鮑魚雞翼”呢個又係非常有驚喜
豪華版嘅釀雞翼，鮑魚夠晒入味，入口有濃濃酒香仲要啖啖肉，正
“海膽燒岩蠔”海膽份量非常多，完全遮住咗隻蠔，其實個蠔都燒得唔錯，不過對於鍾意食生蠔嘅我嚟講，驚喜度就唔及其他料理喇
“海膽雪糕”係我地嚟嘅另一個目的
依個雪糕係佢哋自家製出品，出邊食唔到選用北海道牛乳嚟打成雪糕，配埋海膽食味道又幾夾喎問心講~”S2 Kitchen”嘅海膽料理真係幾唔錯，如果鍾意食海膽嘅朋友絕對值得一試
