更多
2021-05-07
318 瀏覽
將軍澳人對呢間餐廳一定唔會陌生，餐廳走文青風+單車主題，空間闊落燈光柔和，坐得幾舒服，靠窗位可以睇到公園同水池嘅靚景，平日人唔多hea下都唔錯。除左環境好之外，我覺得佢入面有啲食物都幾有特色，今次就介紹下啦！香炒泰國香椒膏鳳尾蝦意大利粉 $72 (weekdays lunch menu 跟餐湯+飲品)好少食到泰式口味嘅意粉，用咗泰式辣椒膏炒嘅意粉聞落去已經好香，甜甜地帶輕微嘅辣味，相當惹味開胃。入面有4隻中size鳳尾蝦，口感彈牙，呢碟意粉幾有新意，算係近期食過最好味嘅意粉！(餐湯係甘筍濃湯，都幾好飲不過唔記得影相)法式蘋果撻配雲呢拿雪糕 $78 (weekdays tea menu 跟飲品)表面鋪咗一片片花瓣似的蘋果片，賣相幾靚。比起Apple Crumble，我覺得呢款法式蘋果撻相對比較清爽，未入ロ已聞到蘋果嘅香甜氣味，食落甜度啱啱好，蘋果撻就一定要配雲呢拿雪糕啦，perfect。撻底薄薄的，可以脆啲就更開心喇。牛油果香芒烤雞沙律 $108呢碟沙律一嚟到比佢嘅份量嚇親，以為只係前菜，但係我覺得當主菜都絕對可以！沙律用料豐富，有香芒、牛油果、沙律菜、車厘茄、烤雞扒等等，牛油果熟度剛
除左環境好之外，我覺得佢入面有啲食物都幾有特色，今次就介紹下啦！
香炒泰國香椒膏鳳尾蝦意大利粉 $72 (weekdays lunch menu 跟餐湯+飲品)
好少食到泰式口味嘅意粉，用咗泰式辣椒膏炒嘅意粉聞落去已經好香，甜甜地帶輕微嘅辣味，相當惹味開胃。入面有4隻中size鳳尾蝦，口感彈牙，呢碟意粉幾有新意，算係近期食過最好味嘅意粉！(餐湯係甘筍濃湯，都幾好飲不過唔記得影相)
法式蘋果撻配雲呢拿雪糕 $78 (weekdays tea menu 跟飲品)
表面鋪咗一片片花瓣似的蘋果片，賣相幾靚。比起Apple Crumble，我覺得呢款法式蘋果撻相對比較清爽，未入ロ已聞到蘋果嘅香甜氣味，食落甜度啱啱好，蘋果撻就一定要配雲呢拿雪糕啦，perfect。撻底薄薄的，可以脆啲就更開心喇。
牛油果香芒烤雞沙律 $108
呢碟沙律一嚟到比佢嘅份量嚇親，以為只係前菜，但係我覺得當主菜都絕對可以！沙律用料豐富，有香芒、牛油果、沙律菜、車厘茄、烤雞扒等等，牛油果熟度剛好，芒果亦都好甜，烤雞肉質嫩滑，醬汁用了日式芝麻醬，同所有食材都好夾，呢碟沙律真係有驚喜。
蜜桃奶酪 $40
用新鮮蜜桃肉打落Yogurt入面，飲到淡淡蜜桃味同食到啲果肉，幾fresh。
水果茶 (跟餐)
唔太甜，係ok嘅水果茶味道。
總括而言：餐廳環境舒適，食物質素幾好，平日嘅價錢都算ok。不過要留意番，佢哋嘅lunch set同tea set只係去到5:30pm嘅咋，過咗時間就要散叫，價錢相對都會貴幾多㗎。
張貼
