我放工後o係o度買個蛋糕返去啦,不過諗住都冇乜選擇o架喇,o黎到睇睇,麵包西餅重有好多,蛋糕重有只少8個,我諗o緊買西餅好定蛋糕,蛋糕啦,男友放一日假都要辛苦煮飯,爸爸呢日又開工.
蛋糕o係冇乜選擇下,我揀o左$78.00o既芒果拿破崙,貪佢冇蛋糕而係酥餅.
返到屋企食完晚飯,我就即刻o個出o黎切畀大家食,
雖然佢一層酥餅一層忌廉,
不過切開時都唔會太碎.
影好相食喇,入面有啲o既芒果肉唔係咁甜,有啲微酸,忌廉算細滑,但薄薄焗唔’起’o既酥餅,唔知係咪受o左潮,唔脆,而且食唔到牛油香.呢個唯一好處係,食o左一件(約六份一個)都唔覺漏.
