喜茶 (已結業)

喜茶進軍左香港咁耐，次次行過都多人排隊，啱啱尋日經過見到條隊唔算太多人，就排一次啦。同朋友一齊，佢叫咗「芝芝茫茫」， 我就叫咗「芝士金鳳茶王」， 第一啖飲落口， 真係好好味喎，有芝士味之餘亦有好濃嘅茶味， 兩樣味道都好突出， 唔會因為芝士味太濃而覆蓋左茶嘅味道。在試埋朋友嘅「芝芝茫茫」， 一試落口就好後悔點解自己唔點呢個。 正杯茶有好多芒果果肉，而芒果嘅味道同茶嘅味道，兩者都好分明，再配埋個芝士奶蓋，簡直完美。 唔怪得啲人會排成個鐘就係為咗呢杯嘢飲啦！