歡喜燒 (已結業)

夏天黎到想bbq但又唔想熱，自轉bbq的確係個唔錯既選擇！！呢晚同朋友黎左觀塘食無火自轉bbq放題人均大概200蚊就嘆住冷氣可以任飲任食兩個鐘xppp串燒早已由店員串好，我地只需要拎我地想食既串燒返回座位放上自轉爐上，等食XD串燒既款式都唔少，整體味道都ok仲有唔同既醬汁可取，總有一款岩口味！！除左串燒，場內亦有主食熟食、熱湯、冷盤同甜品既自助區添～檯面上既食物紙亦有熟食同炸物可剔取全部都即點即炸/焗，質素都唔差呢個芝士焗金菇好正，我地encore左兩三round！！！除左生果雪糕，亦有甜品區係自助區仲有台式圓芋仙草同燒棉花糖做甜品超滿足