Mimila (已結業)

同朋友係沙田新城市廣場行街，買左幾隻Blu-ray 諗住返屋企慢慢煲，見差不多晚飯時間，一於食埋飯先走。見旁邊有間Mimila 幾光鮮咁，標榜南洋風味，一於快手食碗麵再返屋企煲碟。店舖光猛，新浄，整潔；座位雖不算很闊落但尚算舒適，以沙田最熱鬧商場來說，算是不錯了。馬來辣蝦湯麵 ($88)店家標榜”一湯入魂”：湯以鮮蝦配手工炒料慢火熬製，一入口便嚐到其濃郁鮮味，鮮甜之餘帶點微辣，絕對是整碗麵的精粹。鮮蝦以外有通菜、炸蒜及芽菜等配料，配搭軟滑油麵；一入口便欲罷不能，成碗連湯都吃到一滴不剩，確實有點喜出望外。美國牛肉蝦子撈麵 ($98)美國肥牛配傳統幼麵，配菜有蔥花、通菜、芽菜並以蝦子提供主要的鮮香調味來源，再配傳統上湯；誠意之作。桔子梳打 ($32)咸味食品最佳拍擋！沙田新城市出名搵食難，Mimila算是個價格相宜之餘又可快速醫肚的美味選擇。