影片
更多
2019-09-22
62 瀏覽
話說之前有次喺銅鑼灣行街，見到呢間食印尼嘢嘅餐廳，都冇乜點留意，點知最近喺網上面搵搵下，有間人哋餐廳嘅斑蘭飯整得好靚仔，成座塔咁高，原來就係哩間小店，所以今次特登嚟試下啦。難得嚟到，當然要整返個燒雞斑蘭飯，然後再整返個小食串燒，仲有花膠粉皮。燒雞斑蘭飯。今餐食燒嘅嘢都相當之多，呢個燒雞係其中一個，外皮燒得好香脆，不過肉質稍為乾身，而斑蘭飯賣相就非常之靚，食落去有淡淡嘅斑蘭嘅味道，質素都算唔錯。原條魚配花膠粉皮。我想話呢個真係值得推薦。條魚非常之大條，而且燒得好好，可以做到外脆內軟，真係食極都食唔完。花膠粉皮嘅湯底做得非常出色，飲落真係好似飲花膠湯噉，而且仲送一大片花膠添，粉皮就都爽身，配上呢個花膠湯真係非常之正。串燒拼盤。當我哋諗緊揀邊一份串燒嘅時候，職員就話可以幫我哋每人執兩件，噉都幾好喎。呢份串燒又係不得了。鰻魚嗰陣皮燒得超鬆脆，真係入口即溶。牛肉同雞肉串都甜甜地噉，而且燒得好香，加上佢有沙爹醬，同埋特色辣醬，食落夠曬過癮，十分推薦佢哋嘅串燒印尼咖啡涼粉冰。啲咖啡係偏淡嘅，奶味比較重，而咁啱又配上涼粉，幾有咬口，兩樣嘢加埋其實都幾夾嘅碟豆花唎個我都係飲咗兩啖，紫色嘅應該係香芋嚟嘅，
話說之前有次喺銅鑼灣行街，見到呢間食印尼嘢嘅餐廳，都冇乜點留意，點知最近喺網上面搵搵下，有間人哋餐廳嘅斑蘭飯整得好靚仔，成座塔咁高，原來就係哩間小店，所以今次特登嚟試下啦。
難得嚟到，當然要整返個燒雞斑蘭飯，然後再整返個小食串燒，仲有花膠粉皮。
燒雞斑蘭飯。
今餐食燒嘅嘢都相當之多，呢個燒雞係其中一個，外皮燒得好香脆，不過肉質稍為乾身，而斑蘭飯賣相就非常之靚，食落去有淡淡嘅斑蘭嘅味道，質素都算唔錯。
原條魚配花膠粉皮。
我想話呢個真係值得推薦。條魚非常之大條，而且燒得好好，可以做到外脆內軟，真係食極都食唔完。
花膠粉皮嘅湯底做得非常出色，飲落真係好似飲花膠湯噉，而且仲送一大片花膠添，粉皮就都爽身，配上呢個花膠湯真係非常之正。
串燒拼盤。
當我哋諗緊揀邊一份串燒嘅時候，職員就話可以幫我哋每人執兩件，噉都幾好喎。呢份串燒又係不得了。鰻魚嗰陣皮燒得超鬆脆，真係入口即溶。
牛肉同雞肉串都甜甜地噉，而且燒得好香，加上佢有沙爹醬，同埋特色辣醬，食落夠曬過癮，十分推薦佢哋嘅串燒
印尼咖啡涼粉冰。
啲咖啡係偏淡嘅，奶味比較重，而咁啱又配上涼粉，幾有咬口，兩樣嘢加埋其實都幾夾嘅
碟豆花
唎個我都係飲咗兩啖，紫色嘅應該係香芋嚟嘅，甜甜地噉樣，我覺得還好。
總結，這間餐廳所有燒出嚟嘅食物都非常之好，尤其是係燒魚同埋燒鰻魚，各式肉類串燒都唔錯，最大驚喜反而就係花膠粉皮，真係估佢唔到喇。
張貼
