影片
更多
2005-08-01
34 瀏覽
30/7（Sat）為朋友補祝生日，本來去黃珍珍，但有朋友話「隆姐」都唔錯，所以轉會試下，7個人，叫0左個$498套餐再另加小食：明爐生魚（烏頭）﹣好細個（10歲以下）0係其他泰式餐館曾經試過，印象中好鬼難食，因為條魚一叉落去就爛晒，Ｄ肉好霉，又唔好味（得好濃酸辣味），之後咁多年後都無再試過。今次因為係套餐，0係非自願而又唔反對0既情況下，即管試0下∼∼結果：比10幾年前0既水準好，魚0既肉質夠實淨但又唔爛，但麻麻夠新鮮，不過今晚主題唔係食海鮮0黎講，唔應該帶咁大期望0既...佢擺魚0既魚形碟真係同條魚倒模出黎咁，想反轉條魚0既時候真係好驚佢成碟0野反落黎∼都咪話唔驚。海生蝦沙律﹣推介！！生蝦勁彈牙，又新鮮，蝦頭就另外酥炸跟辣醬上碟，搞笑0既係朋友見到個蝦頭連蝦鬚同眼精一齊炸而唔肯食∼（實在我都覺得食到最後果兩條鬚fingfing下既時候真係幾有食蟑螂feel~嘿嘿~~）辣椒膏炒蟹﹣個人覺得唔好食，唔辣之餘同食到有甜味，整到成碟0野個感覺好尷尬。菠蘿炒飯﹣本來係無乜問題，但唔知點解炒個飯都要等Ｄ0野上晒，差唔多最後先黎，大家都有d飽意，所以唔係咁湧躍去食，可惜可惜...泰式酸辣鳳爪﹣味道
為朋友補祝生日，本來去黃珍珍，但有朋友話「隆姐」都唔錯，所以轉會試下，7個人，叫0左個$498套餐再另加小食：
明爐生魚（烏頭）﹣好細個（10歲以下）0係其他泰式餐館曾經試過，印象中好鬼難食，因為條魚一叉落去就爛晒，Ｄ肉好霉，又唔好味（得好濃酸辣味），之後咁多年後都無再試過。今次因為係套餐，0係非自願而又唔反對0既情況下，即管試0下∼∼結果：比10幾年前0既水準好，魚0既肉質夠實淨但又唔爛，但麻麻夠新鮮，不過今晚主題唔係食海鮮0黎講，唔應該帶咁大期望0既...佢擺魚0既魚形碟真係同條魚倒模出黎咁，想反轉條魚0既時候真係好驚佢成碟0野反落黎∼都咪話唔驚。
海生蝦沙律﹣推介！！生蝦勁彈牙，又新鮮，蝦頭就另外酥炸跟辣醬上碟，搞笑0既係朋友見到個蝦頭連蝦鬚同眼精一齊炸而唔肯食∼（實在我都覺得食到最後果兩條鬚fingfing下既時候真係幾有食蟑螂feel~嘿嘿~~）
辣椒膏炒蟹﹣個人覺得唔好食，唔辣之餘同食到有甜味，整到成碟0野個感覺好尷尬。
菠蘿炒飯﹣本來係無乜問題，但唔知點解炒個飯都要等Ｄ0野上晒，差唔多最後先黎，大家都有d飽意，所以唔係咁湧躍去食，可惜可惜...
泰式酸辣鳳爪﹣味道唔錯0既，因太辣0既關係，得兩個人食到，我自問係辣王都食到咳左兩聲。
拼盤﹣一般0既炸野拼盤跟酸甜醬，春卷比較普通。
咸魚粒炒通菜﹣通菜出奇地新鮮喎∼略鹹。
芒果糯米飯﹣全晚最受歡迎既甜品。椰汁香濃，岩岩好漿住0係Ｄ糯米飯上面。
另外order既有∼
冬陰公﹣下次唔會叫囉！湯唔辣，無乜味咁，蝦肉仲要係霉0左...扣分喇∼
青口﹣叫0左好耐都唔黎，出聲話唔要0既時候又即刻上。雖然碟頭大，但份量少，雜菜係青口既2倍半∼青口有雪藏味0既！？又韌∼唔抵食∼
素炒河粉﹣有食素朋友在場，所以就有「佢」0既出現。叫0既時候發生一小段插曲：話說朋友想問有無食素人0岩食0既0野，點知個侍應姐姐猛咁答乜都無∼乜都唔得，大佬我叫走肉都唔得？正當大家唔知點算之際，突然間視平線睇到個menu有一欄叫「雜菜煲」0既食送。問第二個姐姐，佢居然話有呀∼點解無呀？完全同之前另一個侍應0既答案相反。仲問我地邊個咁樣答我地？之後佢拍晒心口之餘再介紹lee個素炒河粉。上檯時跟一組一式4味既調味料一齊0黎∼河粉並唔係中式酒樓0既瘦長河粉而係好似一大片果種，食落較爽口，伴菜有芥蘭，豆腐乾∼幾樣0野加埋0黎食個口感都幾特別。
燒豬頸肉﹣我無食，但望落去好似overcook左∼乾乾地咁仲啞晒色。
最後送糖水，有涼粉同西米露揀，我就食0左涼粉，清清Ｄ熱氣∼
要一提0既係，果度坐得迫係預左，但有兩個侍應姐姐硬係10問9唔應，仲要面黑黑無表情，令人好無奈∼
埋單六百幾，咁既食物質素（唔計服務態度）可接受啦∼
張貼
