影片
更多
2020-08-11
451 瀏覽
有朋友住係啟業呢度附近，間中都會過下黎買野，啟業街市都算多野賣，是日又黎左買餸，順便食個晏晝飯，有番堂食感覺好啲囉。想坐得舒服少少，fuhn好似唔錯，枱大張啲。店內光猛冷氣足，食物有粉有飯幾多選擇。枱上調味品亦乾淨，拎上手無黏立立。點了生牛肉金邊粉同青檸疏打，好耐無食越南野，睇見都流口水。青檸疏打跟餐加$10，價錢合理啦，一般特飲都要收呢個價。大大杯夠哂凍，青檸清新，酸酸的完全不甜，好啱口味，勁鍾意飲酸野。咁熱天氣飲呢杯野真係透心涼，好正呀～生牛河幾大碗喎，附上芽菜香葉隨意添加。湯頭鮮甜濃郁，好味，可以再熱啲更好。金邊粉煙韌有咬口，吸了湯汁食好好味。牛肉份量不少，浸在湯裏一陣就熟了，好滑呢，而且無乜肥膏。猶豫緊要鹹蛋黃薯條好定雞翼好，因為一個人食唔到咁多但又想試哂兩款，店主話不如做個拼盤比你，等可以食多幾樣，哈哈，又好喎，其他分店都有小食拼盤點㗎嘛。先食個鹹蛋黃薯條，唔好睇佢咁深色以為燶呀，係鹹蛋黃色住啲薯條，勁香口，勁香口，勁香口！！濃郁鹹蛋黃味，薯條勁脆，超正呀呀呀呀～再黎有越式春卷，夠香脆，點下個魚露酸汁食更好味。仲有酥炸扎肉，好彈牙喎，滿滿的肉感好正。最後仲有鹹蛋黃雞翼，又係勁
想坐得舒服少少，fuhn好似唔錯，枱大張啲。店內光猛冷氣足，食物有粉有飯幾多選擇。
枱上調味品亦乾淨，拎上手無黏立立。
點了生牛肉金邊粉同青檸疏打，好耐無食越南野，睇見都流口水。
青檸疏打跟餐加$10，價錢合理啦，一般特飲都要收呢個價。大大杯夠哂凍，青檸清新，酸酸的完全不甜，好啱口味，勁鍾意飲酸野。咁熱天氣飲呢杯野真係透心涼，好正呀～
生牛河幾大碗喎，附上芽菜香葉隨意添加。
湯頭鮮甜濃郁，好味，可以再熱啲更好。
金邊粉煙韌有咬口，吸了湯汁食好好味。
牛肉份量不少，浸在湯裏一陣就熟了，好滑呢，而且無乜肥膏。
猶豫緊要鹹蛋黃薯條好定雞翼好，因為一個人食唔到咁多但又想試哂兩款，店主話不如做個拼盤比你，等可以食多幾樣，哈哈，又好喎，其他分店都有小食拼盤點㗎嘛。
先食個鹹蛋黃薯條，唔好睇佢咁深色以為燶呀，係鹹蛋黃色住啲薯條，勁香口，勁香口，勁香口！！濃郁鹹蛋黃味，薯條勁脆，超正呀呀呀呀～
再黎有越式春卷，夠香脆，點下個魚露酸汁食更好味。
仲有酥炸扎肉，好彈牙喎，滿滿的肉感好正。
最後仲有鹹蛋黃雞翼，又係勁濃郁嘅鹹蛋黃，雞翼外脆肉滑，咬落爆汁㗎，好好味啊～四樣炸物都好好味，作為鹹蛋黃fans收貨有餘仲想encore添，熱辣辣又香口，雖然知佢好邪惡，但忍唔住ko哂佢，一食停唔到口呀，無誇張，真係好好味，好好味，好好味，重要野要講三次！
張貼
