⭐️ 四品牛魔御膳
$328 四款和牛一次過試晒，抵到癲！
菲力牛-最嫩，完全無筋，炸得外脆內三成熟，切開粉紅如櫻花。
穀飼西冷-炸後外層鎖汁，牛香瞬間爆發，餘韻帶微甜牛脂香。
翼板牛-牛味厚實，肉質帶筋膜，炸後Q彈有嚼勁，牛味最濃。
醬香薄牛-入口先係脆，後係醬香牛味。
除咗在醬香薄牛本身已經有五成熟，可以唔使燒直接食；其他幾款都係三成熟左右，可放上燒熱鐵板自己控制熟度！鐵板會持續加熱，建議先食菲力→西冷→翼板→薄牛，口感由嫩到濃！醬料都有好多款：山葵、京咖喱蘸醬、青唐辛子味噌、和風醬油、山椒、牛排特製醬汁、溫泉玉子，可以自行搭配啱自己嘅口味。
⭐️ 勝牛壽喜燨鍋膳
秋冬必試！和牛薄切片，放落鍋即刻吸晒壽喜汁，放落半熟蛋一撈，入口係蛋香+牛香嘅雙重暴擊！壽喜燒湯底清甜，飲晒一碗都唔膩。鍋入便本身就有粉絲、雜菇、豆腐、蔬菜。兩個御膳同樣有跟醃蘿蔔，同埋可以無限添加嘅白飯、椰菜同埋味噌湯。
⭐️ 椰子抹茶紅豆冰
椰子雪葩清新，抹茶苦甜平衡，紅豆煮得軟糯唔鞋口，啱晒 IG打卡！
⭐️ 甜蜜乳酸（巨峰，奇異果，乳酸）
巨峰爆汁，奇異果酸爽，乳酸解膩一流，女仔最愛。
⭐️ 特濃抹茶小豆流芯蛋糕
抹茶控福音！京都宇治抹茶蛋糕，切開有流心抹茶醬+紅豆蓉，蛋糕濕潤，流心抹茶苦甜剛好，紅豆蓉似食緊和菓子。
⭐️ 草莓小豆雪糕三文治
士多啤梨雪葩夾和風紅豆+脆皮威化。外層威化脆卜卜甜甜地，內裡係雲呢拿雪糕，一食落去有驚喜，兩者嘅配搭正到不得了。紅豆增添和風層次，小朋友同大人一樣搶住食！
📍京都勝牛
香港九龍城啟德協調道2號AIRSIDE B1樓B129號舖
