粥麵館

營業中

休息中

每次嚟到鰂魚涌，都必定會嚟嘉里中心入面嘅粥麵館食肉餅飯。蜜桃小丸子一直覺得鰂魚涌無乜野特別好食，所以每次嚟上堂都情願去個乾乾淨淨又近課室嘅地方食返餐安落茶飯，而嘉里中心就係首選。粥麵館每次午飯時間都會排長龍，自己一個人就唔使等好耐。正如舖頭名一樣，有粥有麵有飯有小食比你揀，都幾多選擇。蜜桃小丸子就獨沽一味，鍾意食佢嘅肉餅飯。啲飯用瓦煲載住，熱辣辣，大大塊肉餅差不多遮住哂啲飯。最正係上面有好多好多嘅炸菜，淋上甜豉油，有點咸香又甜甜地。肉質都幾結實，但唔會太肥膩，有豬肉香，半吋厚到，同埋啲飯一齊食，好飽！價錢方面，五十元左右，都幾經濟實惠，坐得舒服乾乾淨淨，會再嚟食。