瘋狂小面 (佳德商業大廈)

營業中

休息中

天氣寒寒地，最好就係食麻辣暖身。中環要搵高質午餐唔難，但要相對經濟既午餐就有點難，難得呢間瘋狂小面店面寬敞，坐位夠多，唔使排大龍，價錢中等，味道都適中。要搵個食得辣既飯腳同樣唔易，但原來可以揀白湯(唔辣)架!我地2個人嗌左2個午餐，有主食(面)、小菜、飲品同甜品，98蚊起! 詳情見餐單啦！我食個瘋狂牛肉湯面bb辣，正常麻，呢個係伙計教既食法，食落辣味剛剛好，有味同時唔會搶fo,麻香唔係死咸，鍾意食麻辣既人一定滿意。我加左酸菜，但冇驚喜。伙計介紹招牌餃子，可惜賣晒，蒜泥青瓜頂上，正常貨色。甜品:紅棗銀耳湯，呢個有驚喜，好香紅棗同杞子味，銀耳不是太稔，有口感，湯又唔會太甜，幾好幾好!至於同事就食左撈面，bb辣bb麻，加埋熏旦，佢既comment係，面質有口感，唔會太稔太糊。蒸旦好滑,反而甜品釀糟粉子，因為係大糰子，就有點太飽食唔落，d杞子一樣大大粒!如係釀小丸子會好好多。