紅磡冰室 (已結業)

星期日想喺紅磡搵間茶餐廳，見到食評係咁讚呢間嘅煎豬扒撈公仔麵，話件豬扒又大又正！
所以就特登行過嚟試下！

常餐B係瑞士雞翼／煎豬扒撈公仔麵加+ 炒蛋／煎蛋 + 多士／蒜蓉包+嘢飲。
於是揀咗豬扒撈公仔麵。

件豬扒好油

係呀，塊豬扒係好大，但我覺得佢好油膩！肉質咪係腍腍哋囉。
食差唔多一半，已經唔想再食。 
可能男仔食會覺得咁油係ok，女仔食嘅話不如都係揀返瑞士雞翼（雖然我未試過）。
啲麵唔會好淋，但唔算好彈牙，啲汁都好普通，一啲都唔覺得好味。
（我果日係非常肚餓！但都唔覺得好味）

件豬扒好油

以「唔好浪費食物」咁嘅心態去食多幾啖。。。。都係放棄啦！

炒蛋多士

多士同炒蛋就正常。 杏霜都ok！