微笑Box (已結業)

今日落大雨唔想行太遠 ,喺公司附近搵嘢食,咁啱見到有連續兩間新開張嘅餐廳,今日就食韓國野先啦.裝修非常簡單,唔算舒適嘅椅,簡單嘅木枱.杯,碗,碟,都係最普通嘅款式.但係環境光潔明亮,令人坐得舒服.呢度係新開張,而且開喺上環,中午時段食肆基本上間間爆滿,但係呢度得一半入座,情況唔太樂觀.店員唔係咁識廣東話,睇嚟係地道嘅韓國人.打開餐牌又見到好多過江龍食肆嘅通病,就係中文翻譯好奇怪,.英文翻譯就好少少.點左個烤牛肉飯.韓國野梗係有配菜,泡菜好淡味,酸但係唔辣,煎餃味道本身幾好,可惜凍左而且多油.芽菜好爽,估唔到配冬菇粒食都非常唔錯.至於炸蝦竟然係凍既,皮仲要有少少靭,因為口感麻麻,都唔太品嘗到乜嘢味.涼涼地既麵豉湯裏面有蘿蔔絲同腐皮絲,味道微辣,熱飲可能會更好.醬汁非常濃郁,牛肉又入味,紅蘿蔔絲同煮透嘅洋蔥配搭得好,而且飯粒好飽滿,成個主菜都整得唔錯.值得再來. 新開張梗係要映下個門口啦,老闆/店員話無問題,但害羞地擰轉身~明明尖沙咀有分店,但官方網頁好似無提依度既?