影片
更多
2019-06-24
232 瀏覽
係門口一出lift就有燒肉香味入面既裝飾好多都係同肉有關既掛畫（肉！全部都係肉！）睇得出餐廳老闆對肉既愛同了解仲有好多圖介紹牛既唔同部位突然覺得有啲似去左牛肉博物館.餐牌上既種類唔算多有4款肉（牛肩/牛柳/西冷/牛小排）唔同份量俾大家選擇 200g/300g/400g見到4款揀就想試多款肉所以今次決定單點三份肉，唔加錢轉套餐（因為有飯有湯有沙津應該食唔晒😂）.第一份上枱既係牛肩胛因為出面餐廳比較少見所以試一試佢既肉質比較結實，好好咬口😋😋而且脂肪少所以肉味好出但又唔會乾乾的👍🏻👍🏻加少少鹽已經好味.第二份就係無骨牛小排一切落去已經 feel到佢非常非常軟熟好似同我平時買既牛排有啲唔同入口就有份油脂香湧出黎肉汁比起第一塊多～就算煎耐少少都唔會柴（係呀食得唔夠快有少部分煎耐左）個人非常喜歡.最後一份就係平時見得多既西冷同樣都係厚實既肉質鐘意有口感既不妨一試個人建議唔好放係石板太耐5成熟左右就啱啱好.佢地既醬汁係自助式既有燒肉汁/喼汁/酸汁/茄汁/芥末..多到記唔哂你想點組合都得.記住佢地塊石板非常耐熱食完仲keep住熱一段時間（食得太慢塊牛會熟左）.整體黎講雖然地方唔算好大但坐位都好闊落唔
入面既裝飾好多都係同肉有關既掛畫
（肉！全部都係肉！）
睇得出餐廳老闆對肉既愛同了解
仲有好多圖介紹牛既唔同部位
突然覺得有啲似去左牛肉博物館
.
餐牌上既種類唔算多
有4款肉（牛肩/牛柳/西冷/牛小排）
唔同份量俾大家選擇 200g/300g/400g
見到4款揀就想試多款肉
所以今次決定單點三份肉，唔加錢轉套餐（因為有飯有湯有沙津應該食唔晒😂）
.
第一份上枱既係牛肩胛
因為出面餐廳比較少見所以試一試
佢既肉質比較結實，好好咬口😋😋
而且脂肪少所以肉味好出
但又唔會乾乾的👍🏻👍🏻
加少少鹽已經好味
.
第二份就係無骨牛小排
一切落去已經 feel到佢非常非常軟熟
好似同我平時買既牛排有啲唔同
入口就有份油脂香湧出黎
肉汁比起第一塊多～
就算煎耐少少都唔會柴
（係呀食得唔夠快有少部分煎耐左）
個人非常喜歡
.
最後一份就係平時見得多既西冷
同樣都係厚實既肉質
鐘意有口感既不妨一試
個人建議唔好放係石板太耐
5成熟左右就啱啱好
.
佢地既醬汁係自助式既
有燒肉汁/喼汁/酸汁/茄汁/芥末..
多到記唔哂
你想點組合都得
.
記住佢地塊石板非常耐熱
食完仲keep住熱一段時間
（食得太慢塊牛會熟左）
.
整體黎講
雖然地方唔算好大
但坐位都好闊落
唔會要人坐得好擠迫
.
同埋好貼心既係佢地有圍裙提供
唔怕彈到d油落身
想食吓肉傾吓計都幾合適～
張貼
