百味堂 (已結業)

今日去海港城行下街，食完晚飯之後突然好想食甜品，雖然海港城都好幾間甜品，但始終揀唔到，最後行下行下就揀左呢間試一試。百味堂好似好多地方都有但未試過，揀左好耐，最後決定試下佢生果類嘅雪糕，其實抹茶都好似好吸引，留返下次先試。我地今日試左新鮮士多啤梨雪糕 （$78）雪糕好有牛奶味，軟滑而唔會太甜，唔會食完之後個口好sticky。而士多啤梨就有少少酸，但配合雪糕食就會岩岩好，酸酸甜甜嘅感覺，而且個士多啤梨醬係一層一層咁加上去嘅，所以食每一層都會有好豐富嘅士多啤梨味。