更多
2019-06-29
753 瀏覽
返工咁辛苦係時候要慰勞下自己，所以今日就同朋友一齊係尖沙咀搵到一間幾特別嘅日本菜食晚飯—-鳥炎屋。我哋book咗七點，呢度環境都十分寬敞。食物方面，我地叫左前菜、小食、壽司、串燒同炒飯。蟹籽沙律 ($68)一入口有浸濃濃嘅沙律醬味，蟹籽、蟹柳同青瓜絲都十分爽口，係呢個咁熱嘅夏天食真係一流。四款壽司:三文魚、吞拿魚、油甘魚及八爪魚($28/40/38/32)賣相不俗，材料新鮮。黑松露甜蝦卷($60)賣相精美，每一件都分量十足，略嫌黑松露味太重，有點蓋過蝦味。七味魚翅干($40)佐酒小食之一，齋食就香脆加微辣，點沙律醬就咸甜開胃。燒物雞腎串($30)入口爽脆，灑上檸檬汁更有另一種鮮味。雞肉串($30)照燒汁好惹味，雞肉嫩滑。雞軟骨串($28)又係佐酒小食之選，每粒都好脆，令人忍唔住食完一粒又一粒。燒花魚一夜干($108)見到個名特別就order 左，燒得好入味，可以食到調味料只有鹽，更能帶出魚香。雖然叫一夜干，但魚肉一啲都唔乾，仲好滑。三文魚炒飯($118)見未飽就叫左，好香三文魚味，好夠鍋氣，每粒日本珍珠米都粒粒分明，唔會痴埋一舊。總括而言，依間餐廳環境舒服，侍應服務態
我哋book咗七點，呢度環境都十分寬敞。食物方面，我地叫左前菜、小食、壽司、串燒同炒飯。
蟹籽沙律 ($68)
一入口有浸濃濃嘅沙律醬味，蟹籽、蟹柳同青瓜絲都十分爽口，係呢個咁熱嘅夏天食真係一流。

四款壽司:三文魚、吞拿魚、油甘魚及八爪魚($28/40/38/32)
賣相不俗，材料新鮮。

黑松露甜蝦卷($60)
賣相精美，每一件都分量十足，略嫌黑松露味太重，有點蓋過蝦味。

七味魚翅干($40)
佐酒小食之一，齋食就香脆加微辣，點沙律醬就咸甜開胃。

燒物
雞腎串($30)
入口爽脆，灑上檸檬汁更有另一種鮮味。

雞肉串($30)
照燒汁好惹味，雞肉嫩滑。

雞軟骨串($28)
又係佐酒小食之選，每粒都好脆，令人忍唔住食完一粒又一粒。

燒花魚一夜干($108)
見到個名特別就order 左，燒得好入味，可以食到調味料只有鹽，更能帶出魚香。雖然叫一夜干，但魚肉一啲都唔乾，仲好滑。

三文魚炒飯($118)
見未飽就叫左，好香三文魚味，好夠鍋氣，每粒日本珍珠米都粒粒分明，唔會痴埋一舊。

總括而言，依間餐廳環境舒服，侍應服務態度好，食物不錯，係一班朋友聚會既好地方。
張貼
