嚼江南 (已結業)

今日要去馬料水，做完野就去左沙田食飯，其實去之前都冇諗過去邊到食，見呢間未試過，就入去試下LA~叫左排骨拉麵，江南炒飯，小籠包，豆沙鍋餅排骨拉麵，初初叫既時候，以為係炸排骨，但上菜時，見到放左落湯到，望真D，原來唔係炸排骨，係一D炆左好耐既排骨，食落去，都幾淋，但就食唔出佢用D咩去炆，但係係幾入味，D麵都好好，唔會太淋，有咬口，湯底味道很好很濃，食完麵仲要飲多幾啖湯先夠。江南炒飯，呢個就比較失色，飯唔係抄到一粒粒，雖然加左蝦同帶子落去抄，但係食唔出有呢兩樣野既味，可能係用緊冰鮮野掛，好彩有D乾瑤柱釣起D味，而且乾瑤柱抄完唔會好乾好硬，可以食得落口，另外，D飯如果可以再抄得乾身D就好小籠包，挾起，冇穿，食落去，多湯，仲好熱，皮薄，完全附合一個好既小籠包既資格豆沙鍋餅，油多了少許，但豆沙甜味剛剛好，唔會太甜，又唔會太淡，又夠熱，唔錯服務上，有個肥哥哥既服務好好，但係有個負責收$既就黑哂面，係佢面前揮手都唔應下我LOR~而我係肯定佢見到LOR~