更多
2016-02-25
1002 瀏覽
今日同朋友lunch搵野食,咁岩經過呢間茶餐廳,(其實住咗係到咁耐都唔知有間咁既野)就入去試一試。朋友食個最普通既沙爹牛肉麵,我就叫咗個沙薑雞飯。等得唔算耐。好快就到。沙爹牛麵跟腸仔蛋轉多士,都係廿六蚊,好抵。啲牛肉淋,沙爹味濃,個麵唔錯,多士脆,唔濃唔淋,幾有水準。不過朋友覺得牛油多得濟~哈哈。沙薑雞飯有驚喜,37蚊包熱飲。啲雞好滑唔鞋,個沙薑汁香濃。平時諗唔到食咩,平平地一餐咁都唔錯,啲野幾好食,食完唔口渴,應該無乜味精,下次再試試其他野先。
張貼