山頭火 (已結業)

今日朋友話想試山頭火 我地兩點幾去到 排左差唔多半個鐘先有位 見星期日都算啦 入到去見原來都有好多吉位冇人坐 都唔明點解要等咁耐 坐低就叫野食啦 我地叫左兩個定食 一個魚生飯 一個吉烈豬扒拉麵 叫左之後見隔離枱先入坐叫野食 等左十五左右都唔見有食 隔離遲入坐個枱都有野食啦 就叫個人問下點解我地重未有野食啦 個侍應話幫我地睇睇 不過之後都冇回覆 之後又再等 等左差唔多半個鐘 見到半個鐘後入坐的人叫左野食 立即就有 當時立即火都o黎 立即叫個人問 點解人地遲我地半個鐘入o黎 叫完立即有野食 個侍應又話幫我地睇睇 睇睇又話好快就有 者係冇落單啦 我地15分鐘前先問完你都冇補單 有冇搞錯啊!!!! 個侍應重要好好笑話因為你地個o個係飯 我立即話咁拉麵去左邊 (最過份係入面有個白飯 佢連個白飯都冇出過) 我話咁我唔要啦 個侍應重係話好快有啦 就算點快都好 我都唔會要啦 前前後後等左成個鐘得一杯水 下次請我都唔會去囉 新城市咁多野食 一定唔會再去!!!! 冇食物評語 因為一樣野都冇出過比我地食~~~~~~