蘭香茶餐廳 (已搬遷) 新店位置

8月頭同女友行完三棟屋博物館打算沿路走過去搭西鉄，知道沿路會經過嘉樂冰廳所以就打算去嘉樂食中午，點知去到真係好多人，而且天氣熱到暈，又唔想等既情況下惟有黎呢度.....其實都要等，而且門口聽到好多人都係因為嘉樂太多人而被逼走過來，都知道今餐要將就下，點知......我同我女友坐低打算求其食完就走，我點左個常餐，我女友點左個特價餐之類，order落完前後不到10秒我女友想改食第二d野點知比個企堂鬧返轉頭話入左單整緊唔改得.....都算，但係佢所謂整緊都等左我地10幾分鈡！炒蛋同湯通粉渣！仲話整緊？我當時問另外一個企堂點解咁耐，但頭先鬧我地個企堂竟然話我地有無搞錯，等左一陣就話好耐，我真係想即刻起身走人咁擠，不過我女友拉住我.....d野終于上到來，老實講，味道就一般般啦，炒蛋無汁又細份，奶茶唔算滑，可能受緊氣......同我地搭台既兩母女都話其實都想食隔離，不過太多人先被逼走過來，佢地話係街坊，呢間野成日都係咁樣至有生意，所以d人都好串！老實講以後都唔會再幫襯，不過條氣唔順就要同各位飯友講下！