美心皇宮 (愛丁堡廣場)

營業中

休息中

今日有個大客過左嚟我地公司開會，佢嚟到已經差唔多十二點喇，咁就話請我曬我地幾個去食中午飯，話食飽先有心機幫佢做野，本嚟我地想穩間就近嘅餐廳仔食，但佢話要請我地食好D嘅，最后我地去左美心皇宮食，我未嚟過呢間餐廳食，不過從外部睇就知環境幾好，可能因為價格比較貴嘅原因，我地嚟到人唔算好多，有空臺唔洗等，服務態度幾好，我地剛好坐系窗邊位，可以睇到摩天輪。甜品我覺得幾好食，豆腐花同紅豆沙都唔錯，豆腐花做得好嫩好滑，入口好滑，豆香好濃，紅豆沙有放陳皮煲，煲到豆都全部軟爛，又唔系好甜，味道好適中，呢兩樣都做得好好食。但腸粉蝦餃感覺就一般，皮唔系整得好滑，又唔薄，覺得無咩特色，而且價格偏貴啊，蝦餃皮好厚，睇落就好似一個包咁，鮮蝦感覺唔系好新鮮，又唔系好大只，唔彈牙。魷魚須都整得唔好食，過咸，而且覺得煮得時候唔夠，有D難咬爛，總體嚟講呢間店環境幾好，但出品一般。