王家沙 (已結業)

上星期終於都有機會試下喇!次次去旺角店都大排長龍,o係太古城諗唔到食乜,突然諗起同事話太古城有王家沙,於是走左去食.可能係平日夜晚啦,有大把位喎!我同男友兩個人叫左:燻魚菜飯糖醋排骨唔知咩肉絲配薄餅蟹粉小籠包臭豆腐一杯豆漿嘩!係咪好多野食呢?我都唔知原來d份量係咁大o既!先黎o既係燻魚菜飯.嘩!我好耐都未見過咁大碟飯喇!就算我地兩個淨係叫一個飯都食唔哂!燻魚味道都幾好!d飯就普通.跟住係唔知咩肉絲配薄餅!都ok啦!不過薄餅得四塊,食完仲淨返好多肉.蟹粉小籠包就無乜特別,唯一好o既就係d湯無漏出黎.我初初以為糖醋排骨係橙色o個d,點知原來係黑色o個d!正!係我鐘意食o個種!同食開o既鎮江骨差唔多!最後係臭豆腐.嘩!從來都未食過咁臭o既臭豆腐!連我地咁鐘意食o既人都有d頂唔順!要拎開d碟野!可想而之有幾臭!不過係聞落去臭o者,食落就無乜o既!唔大食o既我地當然食唔哂啦!我地打包左,睇完冰雕先返去拎都仲得!個侍應仲認得我地添!總括黎講都幾好味,服務都幾好,最緊要抵食夾大件,唔怪得咁多人啦!