珍意泰國菜館 (已結業)

東區尋找同路人食店第三彈筲箕灣珍意泰國菜館假日一點給幾鐘去到，門外都已經有人等位，但都不用等好耐就已經有位👏🏼然後一輪擾擾攘攘又安心出行又探熱先入到餐廳內，真的是擾民😡最後被安排坐到上層的坐位，好肚餓叫咗好多嘢食😋首先一定要叫就當然係秘製無骨海南雞飯，再加上一個大鍋冬陰公大頭蝦湯，最後就係咁依叫條魚，就係泰式明爐烏頭魚啊🤩海南雞飯好好食😋飯粒一粒粒咁又夠黃薑味，旁邊又三粒豬紅，我問店員點解會有豬紅呢？店員話送的，送又幾好喎😛去骨海南雞好滑，雞皮與雞肉之間呈現黃油，又滑又好味😋正👍🏻個冬陰公湯好濃好夠味，大大隻大頭蝦好彈牙，又足料，好正👍🏻加上天氣有啲涼，有個火爐加熱住啲湯，熱辣辣可以祛寒👍🏻明爐魚都好食😋夠新鮮真係估唔到東區會有一間咁出色嘅泰國菜餐廳，以後要食泰國菜可以唔洗去九龍城啦😂不過有少少意見要反映下，就係食食吓一半有個阿伯上咗二樓掃地，當時樓上還有不少食客，咁樣情況真係唔係好衞生，特別係疫情之下，真心希望會改善一下，始終啲嘢食咁好味，我都想再返來食多次🙏🏻