影片
更多
2016-06-11
914 瀏覽
黃埔元氣未裝修前, 一星期七天, 五晚都要排隊..., 裝修後, 變成一星期七天, 七晚都要排, 條龍重長咗好多... 想食?? 想死多D囉.... 今晚, 攞飛, 要等百幾個號碼!!! 哈哈哈... 起碼個半鐘喎.... 殺咗我好過... 唉...! 求其了事, 打了個圈, 都係去翻對面個間... 點解香港人咁鍾意食壽司呢?? 而且重係偽裝既港式日本壽司...., 真係諗爆腦都諗唔到, 對面上海菜王家沙, 立即有位, 重要座位多到任坐, 可以做大爺, 一個人坐四人卡位... 真係... 人生.... 喂!! 大集團喎... 匙更有黑邊! 查實... 並唔係污衊, 而係用瓦做的食具, 用耐了便會出現, 之但係... 裝修咁光鮮, 唔好孤寒, 換咗佢啦.. 經理!!罐裝嘉士伯 $28, 以此店來說, 訂價貴了一點, $22就最適合了, 店員拿來時, 給了我一隻無雪過玻璃杯, 冰凍啤酒... 隻杯點可以無雪過架... !?!? 當然, 對飲品無要求的食肆, 當然...我也不會對他有期望了.. 算數... 就成罐飲好了... 第一啖, 尚且夠凍, 喜士伯... 唔係我"飛佛"... 可惜
黃埔元氣未裝修前, 一星期七天, 五晚都要排隊..., 裝修後, 變成一星期七天, 七晚都要排, 條龍重長咗好多... 想食?? 想死多D囉.... 今晚, 攞飛, 要等百幾個號碼!!! 哈哈哈... 起碼個半鐘喎.... 殺咗我好過... 唉...! 求其了事, 打了個圈, 都係去翻對面個間...
點解香港人咁鍾意食壽司呢?? 而且重係偽裝既港式日本壽司...., 真係諗爆腦都諗唔到, 對面上海菜王家沙, 立即有位, 重要座位多到任坐, 可以做大爺, 一個人坐四人卡位... 真係... 人生....
喂!! 大集團喎... 匙更有黑邊! 查實... 並唔係污衊, 而係用瓦做的食具, 用耐了便會出現, 之但係... 裝修咁光鮮, 唔好孤寒, 換咗佢啦.. 經理!!
罐裝嘉士伯 $28, 以此店來說, 訂價貴了一點, $22就最適合了, 店員拿來時, 給了我一隻無雪過玻璃杯, 冰凍啤酒... 隻杯點可以無雪過架... !?!? 當然, 對飲品無要求的食肆, 當然...我也不會對他有期望了.. 算數... 就成罐飲好了... 第一啖, 尚且夠凍, 喜士伯... 唔係我"飛佛"... 可惜無Blue Girl...
醬燒排骨年糕 $68, 年糕炒得尚算煙韌, 年糕的品種是細片包裝機切的款式, 即件件同一厚度和大小, 類似近年流行的韓式年糕, 咬口不及傳統上海年糕, 質素略低, 排骨份量中等偏少, 生粉太多, 略為醃得過火, 咬落軟綿度過高, 但醬汁做得好, 杰度適中, 偏鹹一點, 我喜歡, 這是上海菜應有的味道, 近年健康為先, 市場上一些上海菜做得半鹹不淡, 最不滿意, 今晚這碟炒年糕的味道, 就合我心頭好了... 但當然..只是味道, 不是口感...
炒得好味的年糕, 也不需要落豆板醬了, 倒了些少出來, 最終也沒有用到...
張貼
