影片
更多
2018-01-16
61 瀏覽
咁大個仔我好少食印度野，連埋今次都係第二次，今次仲要係食無肉的印度菜，令我都有d 好奇係咩料鋪頭係尖沙咀的樓上舖，樓面都算闊，除左自己人會成家上黎幫襯之外，仲有本地同外國遊客黎幫襯。佢有個250蚊的大薄餅，不過由於小弟今次只係得兩個人食，所以就無叫到。睇圖就幾吸引，實際就等人食完先知。自己叫左個北印度套餐，有幾個mini dish, 包括三個唔同色唔同辣度的咖喱，入面有d 芝士粒，一份豆角，一份蕃茄同洋蔥，一入酸瓜，一份波形的甜品(睇番menu 似係玫瑰炸奶球，一個食落幾甜的波浸係糖漿度, 請恕我食唔出係咩黎), 一份煎薄餅，雜菜黃飯同一份酸奶。特點係個酸奶度，質地似原味亂酪，拌飯一齊食幾可口，就咁食可以解辣(仲好過就咁飲水，因為小弟唔太食得辣),. 仲有個酸辣湯，酸味就唔太突出，因為俾辣味冚哂，似冬陰功，但係頗辣。另外叫左份旁遮普芝士雜菜咖喱，侍應上菜果下就聞到好香的咖喱味，算幾辣，因為入面有炒過的辣椒乾同辣椒絲，仲有茅屋芝士，細細舊四方形幾惹味，同埋洋蔥絲同蕃茄，送飯一流。再叫左份咖喱角，一碟兩個，配兩款唔同色的辣醬一款係以薄荷葉為主的綠醬，一款似燒烤醬，入面係薯仔加青豆蓉，個皮因
咁大個仔我好少食印度野，連埋今次都係第二次，今次仲要係食無肉的印度菜，令我都有d 好奇係咩料
鋪頭係尖沙咀的樓上舖，樓面都算闊，除左自己人會成家上黎幫襯之外，仲有本地同外國遊客黎幫襯。
佢有個250蚊的大薄餅，不過由於小弟今次只係得兩個人食，所以就無叫到。睇圖就幾吸引，實際就等人食完先知。
自己叫左個北印度套餐，有幾個mini dish, 包括三個唔同色唔同辣度的咖喱，入面有d 芝士粒，一份豆角，一份蕃茄同洋蔥，一入酸瓜，一份波形的甜品(睇番menu 似係玫瑰炸奶球，一個食落幾甜的波浸係糖漿度, 請恕我食唔出係咩黎), 一份煎薄餅，雜菜黃飯同一份酸奶。特點係個酸奶度，質地似原味亂酪，拌飯一齊食幾可口，就咁食可以解辣(仲好過就咁飲水，因為小弟唔太食得辣),. 仲有個酸辣湯，酸味就唔太突出，因為俾辣味冚哂，似冬陰功，但係頗辣。
另外叫左份旁遮普芝士雜菜咖喱，侍應上菜果下就聞到好香的咖喱味，算幾辣，因為入面有炒過的辣椒乾同辣椒絲，仲有茅屋芝士，細細舊四方形幾惹味，同埋洋蔥絲同蕃茄，送飯一流。
再叫左份咖喱角，一碟兩個，配兩款唔同色的辣醬一款係以薄荷葉為主的綠醬，一款似燒烤醬，入面係薯仔加青豆蓉，個皮因為炸完無耐仲係好脆，唔算太油膩。
菜式平均價錢係60-80度，唔算貴，份量都有唔少。同區入面算抵食。
張貼
