珍心素食豆漿豆腐花專門店 (已結業)

一入去，有個後生啲嘅男人，態度冇乜嘢嘅，但我叫嘢食嗰陣，有個四眼阿婆走出嚟落單，我問佢有冇A+C嘅餐，佢一開始就好唔耐煩咁叫我睇清楚先，得A+B或者C+D，咁我問佢A+C正價呢，佢死死地氣計俾我，然後我要A+B，佢都仲好寸咁問我：「諗清楚啦嘛？」然後我嫌個位有啲逼，推出少少張枱，佢即刻話我：「你唔好推張枱呀，set好咗距離㗎，唔係話你覺得逼就可以推㗎，唔係犯法㗎！」我即刻起身：「犯法呀？犯法咁我唔食喇。」我以後都唔會再入去。