龍薈 (良景廣場)

行完菠蘿山諗住近近地坐得舒服去嘆個早茶，以前好耐未裝修之前黎過一次，因為員工既服務態度好惡劣，所以唔會再幫襯。

裝修完就比多次機會呢間酒樓，我早上10:30入坐，早茶至到11點正，我入單時間大約10:38分，等到11:18分都未有野食，於是搵左個樓面跟進，完全冇理會過我之餘，我以為佢一路搵單幫我跟緊，我發現開卡果位呀姐原來寫錯左台號，188寫左189，我同搵緊單果個呀姐講，佢一句就得埋黎「哎，我唔係搵緊你果張單呀」態度惡劣。

於是我搵左一位男部長跟進，佢搞完一大輪，話搵唔到我張單，掉左張午市點心紙比我叫我再落單，男部長仲要話「你要走就走，我都搵唔到張單，咁點啫？」我話ok! 然後搞左成粒鐘，乜都食唔到。