影片
更多
2019-01-22
886 瀏覽
身為哈利死忠，緊係要去香港既9 3/4 cafe😝入面全部都係哈利既裝飾，有催狂魔、光輪2000、當然唔少得就係哈利撞入9 3/4月台既行李車啦🤩Cafe仲會提供好多枝魔杖你玩+影相😋係個打卡好地方！主要係食環境啦😆食物質素方面，估唔到有d驚喜喎😲本身對樓上cafe無咩期望，但求唔難食就得，但呢間反而食得兼玩得！😬 1. 黑松露煙肉薯條$58 🍟（7.5/10）作為薯條控🤔我要求都高，呢盤薯條係厚切，熱辣辣送上，外脆內軟，唔會軟淋淋，而係挺身有口感👍🏻 黑松露醬非常吸引，增加到薯條既鹹味😛不過扣分位就係個醬太少喇😞2. 煎三文魚排$148🐟（6/10）外觀係睇落唔錯架，但我地話要7成熟，點知切開入面係生既😖出面個層係熟，但入面似刺身咁，我地諗應該5成熟都無🙁可惜趕時間，無叫佢再煮過，呢個位要扣下分啦。但個南瓜蓉反而突出過主角，個蓉好滑，好入味，食落仲有少少南瓜粒係到tim!3. 軟殻蟹明太子意粉$98🍝（7/10）明太子意粉水準正常發揮，有埋蟹籽係到口感更爽😋會令人不斷想添食！講下個軟殼蟹，佢都幾大方，係原隻切開一半上，炸得有小小淋，但可接受，不過食到d蟹膏蟹肉，呢個價黎講算合理，叫做
入面全部都係哈利既裝飾，有催狂魔、光輪2000、當然唔少得就係哈利撞入9 3/4月台既行李車啦🤩
Cafe仲會提供好多枝魔杖你玩+影相😋
係個打卡好地方！主要係食環境啦😆
食物質素方面，估唔到有d驚喜喎😲本身對樓上cafe無咩期望，但求唔難食就得，但呢間反而食得兼玩得！😬
1. 黑松露煙肉薯條$58 🍟（7.5/10）
作為薯條控🤔我要求都高，呢盤薯條係厚切，熱辣辣送上，外脆內軟，唔會軟淋淋，而係挺身有口感👍🏻 黑松露醬非常吸引，增加到薯條既鹹味😛不過扣分位就係個醬太少喇😞
2. 煎三文魚排$148🐟（6/10）
外觀係睇落唔錯架，但我地話要7成熟，點知切開入面係生既😖出面個層係熟，但入面似刺身咁，我地諗應該5成熟都無🙁可惜趕時間，無叫佢再煮過，呢個位要扣下分啦。但個南瓜蓉反而突出過主角，個蓉好滑，好入味，食落仲有少少南瓜粒係到tim!
3. 軟殻蟹明太子意粉$98🍝（7/10）
明太子意粉水準正常發揮，有埋蟹籽係到口感更爽😋會令人不斷想添食！
講下個軟殼蟹，佢都幾大方，係原隻切開一半上，炸得有小小淋，但可接受，不過食到d蟹膏蟹肉，呢個價黎講算合理，叫做大件夾抵食！可一試😬
4.奶油啤酒🍺（8/10）呢杯唔似大板環球影城賣個杯咁苦，因為上面係層奶蓋，下面啤酒其實係忌廉汽水，飲落易入口😆不過係咪真正似hp世界既味道就唔知喇🤣
張貼
