更多
2017-09-02
6996 瀏覽
第一次行入嚟白布街先發現原來附近幾條街有唔少特式餐廳, 而今次就嚟到辛安東元祖奶奶雞啦.餐廳上層嘅設計好得意, 以鐵網做間隔, 網上面掛咗好多寫咗message嘅奶奶雞圖案卡.一聽呢間餐廳嘅名就知道奶奶雞就係佢哋嘅招牌菜啦, 我眼見其他枱都會點份奶奶雞.雖然唔知人哋係嗌一隻定半隻, 單睇大大隻碟就知唔少嘢. 今次得兩條友嚟食, 所以暫且放棄改叫炸雞.芥蜜炸雞 ($68), 一碟有六件, size適中, 大概2-3啖就K.O到一件.一口咬落去口感好酥脆, 配埋甜甜辣辣嘅芥蜜醬幾惹味.冷海蜇 ($48), 凍凍地又好爽口嘅一道開胃小食, 上面放咗少少番紅花, 雖然唔會帶出太大味道, 但望落靚仔啲~ 急遞年糕鍋 ($78), 辣辣地嘅韓式湯底好開胃, 送飯嚟食係最夾. 年糕鍋入面除咗我鍾意食嘅年糕、魚糕之外, 仲有帶子、青口, 即刻生色不少. 飲品方面, 呢度最多變嘅係你可以揀汽水、啤酒或Sake嚟配蜜瓜、士多啤梨等果味.而我就想飲乳酸味啦, 所以就揀咗Smoothie Cider ($48).睇Menu張相以為支Cider係插住喺杯度上畀你, 原來係分開俾你邊飲邊倒.其實插落去同分開
餐廳上層嘅設計好得意, 以鐵網做間隔, 網上面掛咗好多寫咗message嘅奶奶雞圖案卡.
一聽呢間餐廳嘅名就知道奶奶雞就係佢哋嘅招牌菜啦, 我眼見其他枱都會點份奶奶雞.
雖然唔知人哋係嗌一隻定半隻, 單睇大大隻碟就知唔少嘢. 今次得兩條友嚟食, 所以暫且放棄改叫炸雞.
芥蜜炸雞 ($68), 一碟有六件, size適中, 大概2-3啖就K.O到一件.
一口咬落去口感好酥脆, 配埋甜甜辣辣嘅芥蜜醬幾惹味.
冷海蜇 ($48), 凍凍地又好爽口嘅一道開胃小食, 上面放咗少少番紅花, 雖然唔會帶出太大味道, 但望落靚仔啲~
急遞年糕鍋 ($78), 辣辣地嘅韓式湯底好開胃, 送飯嚟食係最夾.
年糕鍋入面除咗我鍾意食嘅年糕、魚糕之外, 仲有帶子、青口, 即刻生色不少.
飲品方面, 呢度最多變嘅係你可以揀汽水、啤酒或Sake嚟配蜜瓜、士多啤梨等果味.
而我就想飲乳酸味啦, 所以就揀咗Smoothie Cider ($48).
睇Menu張相以為支Cider係插住喺杯度上畀你, 原來係分開俾你邊飲邊倒.
其實插落去同分開自己倒嚟飲嘅味道冇咩分別.
重點係Smoothie要夠冰凍, 配炸雞同辣辣年糕鍋嚟飲係幾夾又解渴~
張貼
