大良八記 (已結業)

成條白加士街都食哂，竟然未食過呢間。初時以為佢淨係得甜品食，點知原來佢叫大良八記點心大王，蒸飯點心甜品乜都有。叫左$23甜品+蒸飯套餐，不過只可以叫最基本既$8甜品，有時食得多創新甜品，食番最原始既合桃糊同燉蛋，咁先試到佢甜品師傅既功力。我地去到已經差唔多10點，所以得番鳯爪排骨飯同北菇滑雞飯，味道不過不失咁喇。佢既合桃糊都算磨得幾滑，仲有燉蛋都好有蛋味，好耐冇食過咁保持原味既甜品，而且$8真係幾平。成間舖得兩個阿姐做野，一腳踢都冇時間幫你落單，最好你都係行去點心部直接同阿姐講!