The Artlab by Favilla (已結業)

今日午餐，同事介紹呢間喺觀塘某工業大廈嘅Cafe，一入到去見到佢日式花系的裝修已經覺得令人好放鬆，餐牌上面嘅午餐都係日式食品，選擇唔多但應該每樣都係用心製作，價錢有啲貴，但應該係走緊精緻路線。我叫咗佢嘅煙三文魚忌廉意粉🍝，意粉係嗰隻彈牙嘅意粉，煙三文魚亦都好香，有水準。同事叫咗蒲燒鰻魚滑蛋定食，鰻魚同蛋煎得好香，配埋佢哋嘅鰻魚汁一流。不過，我最欣賞係佢杯嘢飲，每杯嘢飲都有個杯托跟埋，咖啡亦香濃高質。