MOO Beef Cafe (已結業)

今日難得妹妹放假約我食lunch，我帶佢去食好啲去咗將軍澳中心食moo beef cafe，因為有朋友住附近，話食過好好食又唔貴。餐廳嘅環境裝修幾young，空間感足夠，坐得好舒服。餐牌選擇非常豐富，我們本身以為餐廳以牛嘅菜式為主，原來都有唔少健康嘅選擇。飲品方面，我哋點咗一杯營養奶昔，裏面有牛油果香蕉等水果，另外一杯係mocktail, 叫做pussyfoot，味道清新。 我們亦叫咗一個溫泉蛋菠菜湯一齊分享，菠菜湯深綠色，每一啖都係菠菜蓉。感覺沒有太多額外嘅調味料 ，飲完已經吸收咗好多維他命同纖維。 三高沙律係高蛋白，高纖維，高營養，裏面有蔬菜，牛油果同藜麥，飽肚健康。而主菜就叫咗特製和牛芝士漢堡，碟邊伴有薯條，同埋沙律菜，呢個漢堡我非常推介。和牛漢堡爆汁juicy，食到舐舐脷。甜品方面，朋友就叫咗焦糖香蕉雪糕，我就叫咗檸檬撻配雪糕。朋友話焦糖味好好食，我就覺得檸檬撻很清新，檸檬味濃郁。值得一提既係呢度服務好好，每一個侍應都好有禮貌。