影片
更多
2023-03-01
199 瀏覽
朋友話上環有間餐廳啲牛好好食，叫我陪佢去試吓，因為我自己好鍾意食牛，所以梗係去探索一下！😆入到去幾舒服，因為燈光柔和，配合獨有嘅日式風格，環境寧靜優美，比較浪漫💕，好啱同朋友靜靜地一邊食野一邊傾偈。今次品嚐呢個Set係每位$898，有8道菜，店員好熱心為我哋介紹，首先會有免費嘅有汽水提供，我哋選擇咗Sparking，入口比較清新。✨自家漬前菜餐廳為我哋準備嘅係自家醃製嘅牛蒡，上面灑咗少少芝麻，入口濃烈香味十足，估唔到牛蒡都可以咁好食，咁脆口，喺一道好開胃嘅前菜，最好嘅係可以無限refill，我哋都忍唔住refill咗🤭。✨法國Kaviari Kristal魚子醬，半熟日本A5和牛和牛大根沙律賣相好別緻，和牛係用熊本A5牛Ribeye，所以入口即溶，配合法國魚子醬，海水鮮味衝擊口腔，但又唔會好濃烈，因為有大根沙律作為一個清新味蕾嘅調劑，成個菜式好夾，食完會想再食。✨塩漬原隻蝦夷鮑魚配高湯凍餐廳好貼心咁幫你將鮑魚切成細份，更易入口，爽脆彈牙，塩漬增鮮亦令佢帶有出鮮甜，畫龍點睛嘅係高湯凍，即啫喱，配合埋Wasabi柚子汁，層次同埋口感豐富好多。✨三文魚約克群布丁（招牌約克群布丁，三文魚子，明
入到去幾舒服，因為燈光柔和，配合獨有嘅日式風格，環境寧靜優美，比較浪漫💕，好啱同朋友靜靜地一邊食野一邊傾偈。
今次品嚐呢個Set係每位$898，有8道菜，店員好熱心為我哋介紹，首先會有免費嘅有汽水提供，我哋選擇咗Sparking，入口比較清新。
✨自家漬前菜
餐廳為我哋準備嘅係自家醃製嘅牛蒡，上面灑咗少少芝麻，入口濃烈香味十足，估唔到牛蒡都可以咁好食，咁脆口，喺一道好開胃嘅前菜，最好嘅係可以無限refill，我哋都忍唔住refill咗🤭。
✨法國Kaviari Kristal魚子醬，半熟日本A5和牛和牛大根沙律
賣相好別緻，和牛係用熊本A5牛Ribeye，所以入口即溶，配合法國魚子醬，海水鮮味衝擊口腔，但又唔會好濃烈，因為有大根沙律作為一個清新味蕾嘅調劑，成個菜式好夾，食完會想再食。
✨塩漬原隻蝦夷鮑魚配高湯凍
餐廳好貼心咁幫你將鮑魚切成細份，更易入口，爽脆彈牙，塩漬增鮮亦令佢帶有出鮮甜，畫龍點睛嘅係高湯凍，即啫喱，配合埋Wasabi柚子汁，層次同埋口感豐富好多。
✨三文魚約克群布丁（招牌約克群布丁，三文魚子，明太子慕斯）
招牌約克群布丁類似係牛角包，係英國嘅一種食品，口感外脆內嫩，間中食到三文魚子帶嚟嘅鮮味衝擊，最令我驚嘆嘅係明太子慕斯，帶有香濃嘅cream cheese，瞬間昇華左成道菜嘅味道！
✨本枯節味來粟米吉士湯
本夫節係最高級既柴魚，即鰹魚，煮熟後烘乾，水份係最少，入口即化，咸香味足，再飲一啖湯，不得了！湯身濃稠，香甜可口，睇得出餐廳用好多心機去處理。
✨燒A5日本和牛（自家生曬牡蠣醬，時令日本蔬菜）
到咗今日我哋期待已久嘅主角出場，成就菜式係用熊本A5和牛，日本菇茸配上牡蠣醬，首先和牛切成細片去香煎一小會，保留外脆內嫩既口感，肉質好有彈性，牛味同油脂口腔中爆發，係幸福嘅感覺！點少少牡蠣醬更加可以帶出鮮味，而菇茸絕對襯得起主角嘅襯托，清新解膩，我哋都讚不絕口。
✨季節之魚介釜飯（舞茸，高湯醬油）
季節魚係用紅立魚，清甜可口，加上舞茸同高湯既鮮，令個釜飯鮮上加鮮，但又唔會好濃味，反而係另類嘅清淡，呢方面要稱讚一下餐廳，因為係食完濃味嘅主菜後，食一個清新嘅釜飯，反而更增加食慾，安排得好好。
✨炙燒水牛芝士紅豆燒餅
我最愛嘅甜品之一，我鍾意水牛芝士嘅鹹，加上紅豆嘅甜，為今晚呢一餐飯畫上完美嘅句號。
張貼
