十侍 - 棉花糖A5和牛壽喜燒專門店

營業中

休息中

原本諗住收工同朋友求其搵間餐廳慢慢食嘢吹下水咁，朋友推薦呢間十侍 - 棉花糖A5和牛壽喜燒專門店，完全超出預期！我都忍唔住要出post表揚吓！首先舖頭環境舒適，我坐吧檯even上菜擺勁多架撐都完全唔擠逼。員工態度都好好，問極吾嬲，好好耐性～我食既係棉花糖A5和牛壽喜燒，諗住兩個人未必飽就order多三串串燒，點止勁飽。厲害厲害！棉花糖好得意，但又唔會好甜膩。牛好嫩滑，我鍾意沾蛋食多d，中和吓d醬汁，又係新既感覺。我同個frd暴風式吸食，勁快食曬。全晚最有驚喜既係野菜鍋，吸曬d醬汁真係不得了，特別係腐皮同烏冬。串燒我推薦芝士番薯粒粒，炭燒味勁好勁正。整體來說真係不錯，會再約朋友上來。