影片
更多
2021-09-22
27 瀏覽
天滿宮 (尖沙嘴)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•二人前和牛壽喜燒 $588+1套餐包括漬物三款、溫泉蛋蕃茄沙律、清酒生蠔、天滿宮炸雞、刺身盛四款、串燒盛四款、和牛壽喜燒、甜品日式蕨餅、兩杯特式無酒精飲品/清酒雞尾酒/冷泡茶（另見有一個優惠套餐，逢一至四七點半前離座，和牛套餐$388+1🥺🥺好抵）••••••••••••••••••••••••••••••♥️食評：餐廳首先送上漬物三款，分別係牛膀、香蒜同小黃瓜，雖然餐牌寫住小黃瓜，但其實係蘿蔔🤣三款最鐘意嘅係香蒜，蒜頭原頭咁漬，但無辣味，食嘅時候好香，係款好好嘅開胃漬物。溫泉蛋蕃茄沙律有滿滿嘅芝麻醬！加埋溫泉蛋有多種味道及層次～清酒生蠔係我第一次咁樣食一隻生蠔！店員指將生蠔浸入清酒大概15秒後就可進食，一食入口超重清酒味，但係係好順口，而且生蠔嘅味道後來就覺得更加強烈，幾特別！炸雞熱辣辣，外層夠脆，有調味，配蛋黃醬無得輸！刺身當日係赤蝦、帶子、三文魚同赤身。見過其他foodie
••••••••••••••••••••••••••••••
✄( •8• )✄( •8• )✄( •8• )✄( •8• )
••••••••••••••••••••••••••••••
♥️餐點：
•二人前和牛壽喜燒 $588+1
套餐包括漬物三款、溫泉蛋蕃茄沙律、清酒生蠔、天滿宮炸雞、刺身盛四款、串燒盛四款、和牛壽喜燒、甜品日式蕨餅、兩杯特式無酒精飲品/清酒雞尾酒/冷泡茶
（另見有一個優惠套餐，逢一至四七點半前離座，和牛套餐$388+1🥺🥺好抵）
••••••••••••••••••••••••••••••
♥️食評：
餐廳首先送上漬物三款，分別係牛膀、香蒜同小黃瓜，雖然餐牌寫住小黃瓜，但其實係蘿蔔🤣三款最鐘意嘅係香蒜，蒜頭原頭咁漬，但無辣味，食嘅時候好香，係款好好嘅開胃漬物。
溫泉蛋蕃茄沙律有滿滿嘅芝麻醬！加埋溫泉蛋有多種味道及層次～
清酒生蠔係我第一次咁樣食一隻生蠔！店員指將生蠔浸入清酒大概15秒後就可進食，一食入口超重清酒味，但係係好順口，而且生蠔嘅味道後來就覺得更加強烈，幾特別！
炸雞熱辣辣，外層夠脆，有調味，配蛋黃醬無得輸！
刺身當日係赤蝦、帶子、三文魚同赤身。見過其他foodie食會有唔同款式，視乎當日有咩新鮮！呢到嘅赤蝦係超級超級好食🥺帶子都好厚身，三文魚同赤身都ok。
串燒就係牛舌、雞軟骨棒、菠蘿同秋葵，不得不讚佢哋嘅雞軟骨棒，調味唔錯，而且啖啖肉又食到啲雞軟骨，口感一流，牛舌都唔會乾同韌。
去到呢餐嘅重頭戲，就係和牛壽喜燒，店員建議我哋先食蔬菜，之後先食牛，鍋入面有啲菜菇豆腐同埋一款類似薯粉嘅粉麵，非常之吸味。牛肉份量都幾多，牛肉味濃，配上壽喜燒甜甜哋嘅湯，再沾蛋漿😋😋好正
飲品都好特別，今次揀咗荔枝氣泡特飲同青檸柚子清酒特調，用清酒做底整嘅cocktail充滿日式風味，荔枝氣泡特飲就明顯飲到唔係用糖漿，用咗新鮮水果，好欣賞呢點，好飲。最後食埋甜品，日式抹茶蕨餅，好滿足！
••••∩ ∩••••••••••••••∩ ∩•••••••••••••
✄( •ω• )♡( •8• )✄( •ω• )♡( •8• )✄
天滿宮 (尖沙咀)
尖沙咀加連威老道41C號嘉威大廈地舖
••••••••••••••••••••••••••••••
張貼
