影片
更多
2025-01-22
26 瀏覽
幫友人買咗年貨需要約交收，為答謝仲請食飯，近佢屋企嘅有呢間和洋式餐廳。以木作主要裝潢嘅半開放式餐廳，樓底夠高，窗邊有特色卡位，望到一街之隔嘅怪獸大廈。晚市套餐不定時更換菜式包前菜，餐湯及日式蒸蛋，未想主菜先有得食。向侍應了解每月精選湯烏冬 ($148)即係咩? 原來係關東煮湯烏冬。應有嘅都差唔多有，份量都幾大碗。大根入口無渣; 仲有芥辣另上點住食。隻蛋仲係流心的，驚喜又好味。烏冬係幼滑類，成碗熱辣辣都唔錯。友人點選自選雜錦魚生丼 ($178)，多款刺身中自選2款，追加每款$30，追加北海道海膽就$68。點選三文魚拼帆立貝，配香辣蛋黃醬。已有配料如玉子，青瓜，牛油果，枝豆肉及蟹籽，組成呢碗Poke。醬汁相當香滑及微辣，將兩款刺身加飯，一啖放入口，相當滿足。套餐包埋飲品，熱檸茶無需加錢，加$30就可轉特飲，呢杯賣相邪惡嘅係Belgian Chocolate，入口好香濃朱古力味，唔會太甜，味道岩岩好，加埋忌廉增加香滑度，好飲。加多個小食，網評推呢客疑似世一炸鷄 ($88)。一大舊炸鷄再切成4塊，上面舖上蛋黃他他醬。口感相當鬆脆，鷄肉仍然有D肉汁流出。整體味道比想像中淡口。留返少少位置比甜品
以木作主要裝潢嘅半開放式餐廳，樓底夠高，窗邊有特色卡位，望到一街之隔嘅怪獸大廈。
晚市套餐不定時更換菜式
包前菜，餐湯及日式蒸蛋，未想主菜先有得食。
向侍應了解每月精選湯烏冬 ($148)即係咩? 原來係關東煮湯烏冬。應有嘅都差唔多有，份量都幾大碗。
大根入口無渣; 仲有芥辣另上點住食。
隻蛋仲係流心的，驚喜又好味。
烏冬係幼滑類，成碗熱辣辣都唔錯。
友人點選自選雜錦魚生丼 ($178)，多款刺身中自選2款，追加每款$30，追加北海道海膽就$68。
點選三文魚拼帆立貝，配香辣蛋黃醬。已有配料如玉子，青瓜，牛油果，枝豆肉及蟹籽，組成呢碗Poke。
醬汁相當香滑及微辣，將兩款刺身加飯，一啖放入口，相當滿足。
套餐包埋飲品，熱檸茶無需加錢，加$30就可轉特飲，呢杯賣相邪惡嘅係Belgian Chocolate，入口好香濃朱古力味，唔會太甜，味道岩岩好，加埋忌廉增加香滑度，好飲。
加多個小食，網評推呢客疑似世一炸鷄 ($88)。一大舊炸鷄再切成4塊，上面舖上蛋黃他他醬。口感相當鬆脆，鷄肉仍然有D肉汁流出。整體味道比想像中淡口。
留返少少位置比甜品部
第一眼已被呢客宇治金時牛角包窩夫 ($72)吸引住，實物與宣傳相片相符。以為係雲呢拿味雪糕球，原來係豆腐味，成個”組件”都係日系。
另有黑糖糖漿，但有綠茶漿已經夠味，甜甜地再配合牛油香味嘅清脆牛角包窩夫，不同味道交雜，又好味喎，如果再多一舊就仲好啦。
多謝晒。
張貼
