金家樂茶餐廳

營業中

休息中

雖然金家樂一直以黎賣點都唔係平，但差不多每一個時段佢都可以坐滿，直頭係一隻"大同新村的金蛋"，就算不至於值得聞名全香港，住得大角咀或者o係附近返工做野既應該都冇邊個唔識金家樂。我幫襯得最多就係晚餐時段，但其實佢地早午餐同下午茶都好多人兼質素幾好，晚餐小菜更加算係幾抵食兼且有酒樓水準，自從幾年前做過內部裝修之後多個魚缸做多幾樣海鮮，中型海魚百零二百蚊有交易都抵過附近酒樓。近年大角咀一帶越開越多食肆，但有一部份都唔做得長，金家樂都可算係呢一區茶餐廳既典範。