Heart Coffee (已結業)

有時生酮緊都未必有時間同精力喺屋企煮嘢食，今次嚟到呢間Coffee shop，入面有生酮嘅餐點提供，咁多位「酮友」可以邊飲食Tea邊減肥了🥳叫咗生酮意式煎雞配牛肝菌汁，雞件煎過後外皮十分金黃，雞肉亦十分滑嫩，牛肝菌汁入面有幾粒牛肝菌，對我呢個牛肝菌愛好者嚟講十分滿足，個汁加落去啲沙律菜到好夾，一入口係滿滿嘅牛肝菌嘅特殊香氣，而且仲有滿滿嘅牛油果，營養十分豐富‼️另外叫多杯鮮忌廉伯爵茶，好鍾意伯爵茶嗰種獨特嘅幽香，加入軟滑綿密嘅鮮忌廉能夠完美融合，愛茶之人不容錯過🙆Heart Coffee令實施生酮飲食法嘅朋友唔會因為喺出面食而破戒，保持多啲新鮮感，快啲嚟試吓啦✨