漁釧 (將軍澳中心) (已結業)

本來打算到漁釧食串燒，但店員話中午只可叫午餐牌中嘅定食或拉麵。喺無辦法下就叫個定食吧！我叫咗個漢堡扒定食，只需68蚊，而且唔使加一，抵到爆！前菜簡單好味又開胃，沙律非常新鮮，車厘茄特別鮮甜。漢堡扒份量偏大，而且好厚身，味道亦不錯，只係鹹咗些少。洋蔥又腍身又甜，配飯一流。麵豉湯不過不失，麵豉味夠出夠香，如果昆布多一點會較好。整個定食仲包埋一個茶碗蒸，非常滑身，絕不嚡口，食到最低仲要有粒白果，感覺好傳統。