麵屋黑岩

營業中

休息中

一直都冇留意到原來深水埗大街有間咁有日本特色嘅拉麵舖。今日同鐘情食日本嘢嘅朋友行過，就決定入去試下。餐廳提供咗唔同嘅湯底，配料同埋麵質，我同朋友分别嗌左兩款唔同湯底同兩款唔同叉燒。海老火炙叉燒拉麵海老湯底鮮甜，配上超級多櫻花蝦，令食落每一啖都有勁大嘅蝦鮮味。火炙叉燒肥瘦均勻，經火炙後變得更香口而且惹味，入口即溶。黑蒜厚切叉燒拉麵濃郁嘅豬骨湯底加上黑蒜，令拉麵剛上枱就香氣撲鼻。 相比起火炙叉燒，厚切叉燒明顯厚肉得多，但仍然肉質鮮嫩，咬落唔會有太乾嘅感覺，而且非常夠味。加上蒜泥份量適中，唔會蓋過叉燒嘅味道，兩者配合得好好。溏心蛋溏心蛋非常鮮甜而且滑溜 更有流心，加落拉麵簡直錦上添花。薯片雞翼薯片雞翼可以話係今餐最大嘅驚喜。本來諗住嗌餘子食，但見到隔離兩枱都嗌咗雞翼，就決定試下。即叫即製，外脆內軟，而且脆皮仲食到陣陣既薯仔味，口感非常特別。作為一間位處於深水埗嘅拉麵店，食物味道超卓，而且價錢合理，誠意推薦。