金蘭花泰國菜 (已結業)

好耐無去食泰國菜，阿媽話有D想食，泰國菜好開胃，咁我哋都好有興趣。但係要搭車過海去九龍城食又覺得有D遠，我哋即刻上網搵，睇下港島區有冇近近地嘅泰國餐廳，咁就搵到金蘭花啦。餐廳環境都算舒適，唔係特別華麗，唔係特別靠裝修，有實力嘅感覺。前菜點咗幾款。酸辣鳳爪係酸酸辣辣，好開胃嘅菜式，阿媽食到唔停。我比較鍾意炸蝦餅及燒豬頸肉。2樣多好香口，炸蝦餅口感彈牙而豬頸肉有好多肉汁，好好食。泰式炒椰菜苗炒得夠火候，味道正正常常，份量都幾多。炒金邊粉又係夠鑊氣，調味甜酸辣平衡得好好，好食。蝦膏炒飯都唔錯，唔會過鹹，呢餐食得好滿足。