影片
更多
2022-10-12
546 瀏覽
稻埕飯店 Dào Chéng Taiwanese Restaurant📍 尖沙咀河內道18號K11購物藝術館B1樓B105-B106號舖去睇林家謙演唱會前，同屋企人去咗尖東行街，行完永安都已到食下午茶嘅時間，於是就去咗近近哋嘅K11搵食。行咗幾層都無咩啱就食，突然見到呢間台灣菜門口大排長龍，我亦知道我媽咪好鍾意食台灣嘢，所以就決定試呢間餐廳。 💰$88稻埕骨膠原豬手滷肉飯 🍚呢個set係我叫嘅，一嚟我對重骨膠原嘅嘢食好有興趣，二嚟係下午茶嘅選擇唔多，撇除牛同鵝後，想食滷肉飯就得返呢個選擇。呢個set包一小碟前菜、半隻糖心蛋、一隻豬手同一碗細滷肉飯。佢嘅調味雖然同喺台灣地道夜市食嘅有啲出入，但勁啱我口味！我係好鍾意食到有中式香料、料酒同藥材味菜式，而呢個set無論係蛋、飯定豬手都有我講嘅元素，好好味！糖心蛋真係有流心嘅蛋黃，滷肉有肥有瘦，香而不膩，豬手皮Q彈，滿滿骨膠原，食完元氣滿滿！惟一美中不足係個前菜，應該係青瓜薑片，感覺係為咗中和油膩感而搭配一齊食，但味道太配，口感亦同其他食物唔夾，有少少違和感。 💰$75紅燒牛三寶自家手作麵 🍜雖然我戒左食牛，但成日都會出cheat，會飲牛肉湯同
📍 尖沙咀河內道18號K11購物藝術館B1樓B105-B106號舖
去睇林家謙演唱會前，同屋企人去咗尖東行街，行完永安都已到食下午茶嘅時間，於是就去咗近近哋嘅K11搵食。行咗幾層都無咩啱就食，突然見到呢間台灣菜門口大排長龍，我亦知道我媽咪好鍾意食台灣嘢，所以就決定試呢間餐廳。
[價錢 Price]
💰$88
稻埕骨膠原豬手滷肉飯 🍚
呢個set係我叫嘅，一嚟我對重骨膠原嘅嘢食好有興趣，二嚟係下午茶嘅選擇唔多，撇除牛同鵝後，想食滷肉飯就得返呢個選擇。呢個set包一小碟前菜、半隻糖心蛋、一隻豬手同一碗細滷肉飯。佢嘅調味雖然同喺台灣地道夜市食嘅有啲出入，但勁啱我口味！我係好鍾意食到有中式香料、料酒同藥材味菜式，而呢個set無論係蛋、飯定豬手都有我講嘅元素，好好味！糖心蛋真係有流心嘅蛋黃，滷肉有肥有瘦，香而不膩，豬手皮Q彈，滿滿骨膠原，食完元氣滿滿！惟一美中不足係個前菜，應該係青瓜薑片，感覺係為咗中和油膩感而搭配一齊食，但味道太配，口感亦同其他食物唔夾，有少少違和感。
[價錢 Price]
💰$75
紅燒牛三寶自家手作麵 🍜
雖然我戒左食牛，但成日都會出cheat，會飲牛肉湯同食牛肉汁，欺騙自己只要唔食牛肉本體就得啦，哈哈！呢個牛三寶麵係我媽咪叫嘅，佢最鍾意試食唔同餐廳嘅台灣牛肉麵，而佢對呢間嘅牛肉麵評價都幾高，話牛𦟌唔韌，麵好有咬口，湯底好濃。我試咗裏面嘅紅蘿蔔同埋飲咗個湯底，同意個湯清得嚟好濃味，牛味唔會過濃，而且有牛𦟌，牛肚同牛筋，幾抵食！
[價錢 Price]
💰$72
逢甲串B醉雞卷配自家製手作麵 🍜
呢款我老豆叫嘅醉雞卷係串燒嚟嘅，同一般食嘅醉雞料理唔同，唔會有好香嘅花雕酒浸住，但食落都有陣陣花雕酒香味。一人份量都算多，有四大舊，碗麵嘅湯底就比較清淡，麵量唔算多，果然一分錢一分貨。味道唔錯，但唔算好有台灣特色，算係以味道取勝嘅一個下午茶餐。
[價錢 Price]
💰$38
滷肉(台稉米)飯 🍚
我妹話個餐牌嘅下午茶揀唔落手，於是淨係叫咗碗咩都無配嘅滷肉飯食。其實碗滷肉飯同我叫個set嘅應該一樣，計落其實都幾抵食！
[價錢 Price]
💰$0 (跟餐飲品)
凍柚子茶 🍊
雖然係免費嘅跟餐飲品，但係味道都幾好喎！配略帶油膩嘅台灣料理一齊食就啱啱好，而且凍飲仲唔需要額外加錢添！
[價錢 Price]
💰$300
K11入面有好多唔同類型嘅餐廳，亦有好多唔同菜式供應，但我屋企人多數都係穩陣派，揀啲唔會點中伏嘅餐廳嚟食，下午茶嚟講唔算平，但又真係幾好食，所以決定俾佢四粒星，希望下次有機會再嚟食可以有多幾款選擇啦！
張貼
