古今

營業中

休息中

今日陪朋友收工後去打針，朋友怕打針又怕痛，所以我應承左佢打完針陪佢食飯開心下🤭經開銅鑼灣，來試下呢間係澳門逸園中心的古今，主打特色卷物，而簡約嘅裝修令人覺得舒服，一睇場內好多客人，氣氛唔錯，我地都要等一陣先有位，好彩門口有凳可以休息下👍入到去叫左幾款食物來試下❣️東京爆脆呢款卷物包住吞拿魚同蟹柳，一咬名符其實嘅爆脆，原來內餡被炸漿同蟹籽包住，炸起再卷成，而醬汁都好味，食完唔油膩❣️磯煮六頭鮑魚+沖繩水雲因為朋友唔食鮑魚，得我點左一隻鮑魚來試吓，鮑魚鮮甜爽口，好好味，而水雲真係第一次試，好似髮菜，口感同海帶相似，食落順滑有嚼勁，味道都唔錯❣️雞中翼串一串有兩隻雞翼，外樣燒得脆而雞肉又不會乾身，真係襯熱食先正！❣️自家製香菇雞肉丸串一串有兩粒，同朋友分享岩岩好，大粒之餘見到表皮燒得焦脆，咬落啖啖豬肉同香菇，亦有胡椒味，口感味道一流❣️日式叉燒炒飯叉燒切粒同蛋炒飯，炒得夠香口同粒粒分明，份量兩個人夠分有多❣️雜錦刺身沙律呢個沙律超級值得一試，蔬菜夠哂爽口，仲有車厘茄、雜錦刺身、三文魚籽，配料豐富得來又新鮮，加埋舖頭自家製辣汁，味道同口感都一流😋😋