幸福週末

記住觀塘分店絕對不是黃店，網民報料收據都有寫佢屬於鴻圖樓(藍)，cwb店員亦表示兩間舖管理上無關。大家最好幫襯超黃嘅銅鑼灣分店或長沙灣。
銅鑼灣渣甸街成條街都係手搖飲品，但唔通仲飲老虎堂幸福堂咩😇反而隔離鋪嘅依間就幫襯得啦😌之前舖頭嘅連儂牆俾人淋左藍色油🥺

👓黑糖珍珠海鹽鮮奶 $30
面頭有層微烤過嘅焦糖，飲落有少少焦味。無叫少甜，飲品重黑糖味多於奶味，兩者比例可以再做得更好。奶味可以再滑啲厚啲。珍珠係煙韌偏軟但唔夠黑糖香。
飲到尾奶蓋沉底先開始飲到微微鹹味就係所謂嘅海鹽，海鹽味唔夠突出，未能成功增添珍奶層次感。不過不失的黑糖珍奶，經過又想飲嘢咪支持下☺️
計分：7/10