今天行經亞士厘道，在不遠處發現一家新開的漢堡小店。這間小店比較狹小，裝修企理整潔而簡單
。店內只有三小行吧座，座位有點兒侷促，
帶一點小店風格。
漢堡方面主要分兩大類，以牛肉和雞肉作餡，價錢由$48-$98。可另加$18加配薯條及可樂。
黑松露芝士堡$68
這漢堡扒厚厚的，夾有黑松露醬汁、蕃茄、生菜、芝士，份量十足。漢堡麵包幾厚身香軟，而那漢堡扒幾有牛肉味，又唔會好乾身，可能是安格斯牛肉吧。而那漢堡的肉香，加上濃郁的黑松露味道，夾埋半溶芝士，清新的蕃茄同生菜，味道又幾唔錯。
芝士炸雞堡$62/可樂+薯條$18
這炸雞扒大大片，口感香脆，肉質軟嫩又juicy，加上濃香芝士、洋蔥、蕃茄同醬汁，口感唔錯，又幾滋味。薯條炸得夠乾身脆口，薯味十足，加埋冰涼可樂
，實在令人滿足。
整體而言，這兒的漢堡味道唔錯，即點即造，而且價格合理，可以一試。
