更多
2019-10-14
3138 瀏覽
因為某旅遊app做優惠嘅關係，所以發現太子有呢間賣「攦粉」嘅小店，其實唔知係乜東東嚟，就試下啦。呢日lunch time就去咗太子，個位都幾近地鐵站。門面細細，出面主要就賣糕點，入面就有幾張枱櫈可以食攦粉。我同兩個同事一人叫咗一碗攦粉，用木桶上幾吸睛😛。湯底可以揀清湯、酸辣、麻辣同沙嗲，辣度就再有得揀。我就要咗沙嗲，一嚟到已經好香🤤，湯底夠味掛粉唔錯，唔會辣。至於同事叫嘅清湯就無咁惹味，芹菜味較重。沙嗲湯仲配埋紫菜添，清湯無的，而每碗都配有啲瓜菜蘿蔔絲👍。我哋夾埋叫咗三款唔同嘅餸share食，有🍢鮮炸魚片頭($33)、🦑鮮炸墨魚卷($38)同🐔香茅雞翼($38)。每款餸嘅份量都唔少，雞翼4隻，墨魚卷3條，魚片頭4嚿(呢樣就略嫌少啲)。3樣都幾好食，特別係雞翼，脆得嚟唔乾身，味道適中；墨魚卷就可以再彈牙啲。講返攦粉，我相信其實個名係佢哋改的🙈，因為google完無乜大記以外嘅結果。攦粉係用米漿造的，個感覺似銀汁粉咁粗嘅瀨粉，每條都好長好滑，粗幼度一樣，成條都好平均👍。不過就略嫌唔夠煙韜，夾得耐會斷。但overall嚟講，呢個攦粉初體驗都唔錯，而且性價比高，平均$3x搞掂，食完又飽飽😋。呢
因為某旅遊app做優惠嘅關係，所以發現太子有呢間賣「攦粉」嘅小店，其實唔知係乜東東嚟，就試下啦。呢日lunch time就去咗太子，個位都幾近地鐵站。門面細細，出面主要就賣糕點，入面就有幾張枱櫈可以食攦粉。
我同兩個同事一人叫咗一碗攦粉，用木桶上幾吸睛😛。湯底可以揀清湯、酸辣、麻辣同沙嗲，辣度就再有得揀。我就要咗沙嗲，一嚟到已經好香🤤，湯底夠味掛粉唔錯，唔會辣。至於同事叫嘅清湯就無咁惹味，芹菜味較重。沙嗲湯仲配埋紫菜添，清湯無的，而每碗都配有啲瓜菜蘿蔔絲👍。
我哋夾埋叫咗三款唔同嘅餸share食，有🍢鮮炸魚片頭($33)、🦑鮮炸墨魚卷($38)同🐔香茅雞翼($38)。每款餸嘅份量都唔少，雞翼4隻，墨魚卷3條，魚片頭4嚿(呢樣就略嫌少啲)。3樣都幾好食，特別係雞翼，脆得嚟唔乾身，味道適中；墨魚卷就可以再彈牙啲。
講返攦粉，我相信其實個名係佢哋改的🙈，因為google完無乜大記以外嘅結果。攦粉係用米漿造的，個感覺似銀汁粉咁粗嘅瀨粉，每條都好長好滑，粗幼度一樣，成條都好平均👍。不過就略嫌唔夠煙韜，夾得耐會斷。但overall嚟講，呢個攦粉初體驗都唔錯，而且性價比高，平均$3x搞掂，食完又飽飽😋。
呢到仲有賣糕點🥠，例如砵仔糕、白糖糕、茶粿同芝麻卷等等。我同事食完晏買咗好多返公司食，我就試咗芝麻卷覺得都好食，但一盒要$20，就唔係好抵；而砵仔糕味道就無乜特別。
總括嚟講，呢間攦粉幾抵食同好食😋，餸同埋粉本身都唔錯，推介雞翼同沙嗲湯。我如果再經過都會嚟食，幾啱口味。另外佢仲有好多自家製飲品，下次嚟試埋。餐廳環境同店員服務都ok啦，正正常常。
張貼
