一點心 (通菜街)

營業中

休息中

曾幾何時記得"一點心" 應該係唔錯嘅點心餐廳，佢嘅大廚好出名，係出名門而且仲得咗好多傳媒嘅追捧，所以每逢經過呢度都會入去食返啲點心。想講就係出名並非偶爾嘅事，出名都係有原因嘅，呢度啲點心的確係有料到， 鮮蝦菜苗餃真係做得好有水準，皮薄餡料多餡料又新鮮，蝦又大大隻，菜苗又鮮甜。北菇棉花雞 ，北菇真係有冬菇味，魚肚又鮮又入味又香，雞肉有冇雪藏味，食落好有鮮味真係好好食，絕對唔係一般連鎖式酒樓可以媲美。香芒奶黃卷，做到個外皮煙煙靭靭，芒果又鲜又甜唔係酸 ，奶黃做得又香又甜，真係好有高級甜品嘅水準，一啲都唔係亂嚟，味道真係好好。