影片
更多
2025-05-31
773 瀏覽
去科學園就梗係要做實驗啦！但係呢個實驗同記性無關，最緊要係食量夠大呢！位於科學園嘅梨滿園韓國料理，推出頂級韓燒放題，食物選擇接近80款，除咗燒烤嘅多款肉類之外，仲有刺身、壽司、前菜小食、韓式石鍋飯等，非常豐富！而且餐廳空間感十足，坐得舒服，食完仲唔會成身燒烤味，呢個實驗絕對係成功嘅！韓式前菜一坐低，店員就先送上三款韓式前菜：菠菜、泡菜同芽菜，款款都啱我哋口味，仲可以無限添加呢。頂級牛肉食韓燒又點可以無牛肉呢！滿園韓國料理嘅頂級牛肉選擇超多：美國橫膈膜肉、牛肩肉同牛仔骨等。美國橫膈膜肉嘅油花雖然唔算多，但勝在牛味濃郁，加上韓式燒肉汁，夠晒惹味；美國牛肩肉嘅肉質嫩中帶少少筋，但勝在夠juicy；燒烤又點可以無牛仔骨呢，牛仔骨嘅脂肪分佈平均，燒完之後加上焦香味，值得encore。頂級刺身刺身有三文魚、吞拿魚、立魚同醋青魚，食咗唔少肉類之後，嘆番幾款刺身，夠晒消膩。海鮮類除咗肉類之外，梨滿園韓國料理仲有好多海鮮選擇：海蝦大大隻，燒起嚟好香口，肉質彈牙，味道鮮甜；半殼帆立貝非常驚喜，貝肉厚身，鮮甜多汁。韓國料理除咗燒烤類，餐廳都有唔少地道韓國料理：迷你海鮮煎餅、炒雜菜、海鮮湯拉麵、牛肉石頭飯樣樣
韓式前菜
一坐低，店員就先送上三款韓式前菜：菠菜、泡菜同芽菜，款款都啱我哋口味，仲可以無限添加呢。
頂級牛肉
食韓燒又點可以無牛肉呢！滿園韓國料理嘅頂級牛肉選擇超多：美國橫膈膜肉、牛肩肉同牛仔骨等。美國橫膈膜肉嘅油花雖然唔算多，但勝在牛味濃郁，加上韓式燒肉汁，夠晒惹味；美國牛肩肉嘅肉質嫩中帶少少筋，但勝在夠juicy；燒烤又點可以無牛仔骨呢，牛仔骨嘅脂肪分佈平均，燒完之後加上焦香味，值得encore。
頂級刺身刺身有三文魚、吞拿魚、立魚同醋青魚，食咗唔少肉類之後，嘆番幾款刺身，夠晒消膩。
海鮮類
除咗肉類之外，梨滿園韓國料理仲有好多海鮮選擇：海蝦大大隻，燒起嚟好香口，肉質彈牙，味道鮮甜；半殼帆立貝非常驚喜，貝肉厚身，鮮甜多汁。
韓國料理
除咗燒烤類，餐廳都有唔少地道韓國料理：迷你海鮮煎餅、炒雜菜、海鮮湯拉麵、牛肉石頭飯樣樣有。特別推介豆腐辣湯，入面有蜆肉同牛肉，湯底微辣帶有海鮮嘅鮮甜味，令人非常滿足。
自助飲品同雪糕區
梨滿園韓國料理有多款飲品：汽水、果汁、無糖茶、韓式飲品等，選擇豐富，仲有任飲獅威啤酒，夠晒豪氣！
張貼
