紅磡冰室 (已結業)

今晚早左放工，剛好朋友過黎灣仔揾我吹水，因為佢已經食飽飯，所以佢提議去紅磡冰室飲杯野吹下水。人客不算多，揀左個卡位坐低，朋友點左杯凍奶茶，小菜晚餐有6，7個選擇，最後我點左Xo醬京葱炒肥牛，因為牛肉是我的至愛晚餐仲包一個白飯，例湯同飲品。首先上枱是2杯凍飲，然後到例湯，湯味道也不錯，不過不是很熱。過了大約十分鐘，主菜終於來了，Xo醬帶點微辣，十分惹味，但京葱份量頗多，肥牛份量卻很少，肥牛炒得剛剛好，不會炒得過熟變得太靱。食完飯，吹多陣就各自歸家